माओवादी केन्द्रलाई पदाधिकारी चयनमा सकस

पार्टी कार्यालय कोटेश्वरमा बसेको स्थायी कमिटी बैठकले पदाधिकारीसहित अन्य सांगठनिक संरचनालाई पूर्णता दिन नसकेको हो।

नेपाल समय | शुक्रबार, भदौ ३, २०७९

नेपाल समय

शुक्रबार, भदौ ३, २०७९

काठमाडौं– नेकपा माओवादी केन्द्रले पदाधिकारी टुंगो लगाउन शुक्रबार बोलाएको बैठक असफल भएको छ। पार्टी कार्यालय कोटेश्वरमा बसेको स्थायी कमिटी बैठकले पदाधिकारीसहित अन्य सांगठनिक संरचनालाई पूर्णता दिन नसकेको हो।

पार्टी प्रवक्ता कृष्णबहादुर महराले पदाधिकारीको विषयमा गम्भीर छलफल भए पनि निष्कर्ष निस्कन नसकेको बताए। शनिबार दिउँसो १ बजे पुनः बैठक बसेर यसलाई टुंग्याइने उनको दाबी छ।

शुक्रबारको बैठकमा बोल्ने अधिकांश स्थायी कमिटी सदस्यले पदाधिकारी टुंग्याएर चुनावमा जानुपर्ने बताएका थिए। स्थायी कमिटी सदस्य हरिबोल गजुरेलले पदाधिकारी टुंग्याएर चुनावमा जानुपर्ने विषयमा नेताहरु एकमत रहेको दाबी गरे।

प्रकाशित: Aug 19, 2022| 13:35 शुक्रबार, भदौ ३, २०७९