काठमाडौं- निर्वाचन आयोगले आजदेखि दर्ताका लागि दिएका निवेदनबारे जाँचबुझ गर्ने भएको छ।
मंसिर ४ गतेका लागि तोकिएको निर्वाचनका लागि निवेदन दिएका दलको निवेदनमाथि आयोगले आजदेखि जाँचबुझ गर्ने भएको हो।
दलहरूले बुझाएका कागजातबारे अध्ययन गरिने आयोगका प्रवक्ता शालिग्राम शर्मा पौडेलले बताए। त्यसपछि दलहरूलाई दर्ताका लागि आयोगमा पेस गर्ने काम सुरु हुनेछ।
आयोगले तोकेको अवधिमा आयोगमा दल दर्ताका लागि ८४ दलले निवेदन दिएका छन्। साउन २३ देखि ३१ गतेसम्म दल दर्ताको समय तोकिएको थियो।
प्रदेश र प्रतिनिधिसभा निर्वाचन आगामी मंसिर ४ गते हुँदै छ।