मिटरब्याजी पीडितलाई बाबुराम भट्टराईको साथ

काठमाडौं- पूर्वप्रधानमन्त्री डा. बाबुराम भट्टराईले काठमाडौंमा धर्ना बसेका मिटरब्याजी पीडितहरूलाई साथ दिएका छन्। भट्टराईले शुक्रबार बिहान धर्ना बसिरहेकाहरूलाई भेटेर न्याय दिन सरकारसँग माग गरेका हुन्। ​

मिटरब्याजी साहुहरूले उठीवास लगाएको भन्दै नवलपरासी पश्चिमका ६२ पीडित माइतीघर मण्डलामा धर्नामा बसिरहेका छन्। नौ दिनदेखि उनीहरू आन्दोलनमा छन्।

न्याय माग्न धर्नामा बसेका ६२ जना गरिब किसानको पीडा नसुनेको भन्दै डा. भट्टराईले सरकारको सामाजिक सञ्जालमार्फत आलोचना गरेका छन्। 

‘मासिक ५–८% (वार्षिक ६०–९६%) ब्याज लिएर गरिब/किसानलाई उठीवास पार्ने मिटरब्याजी सुदखोर/ठगहरूलाई सरकारले कठोर दण्ड गर्नुपर्नेमा उल्टै नवलपरासी पश्चिमका ६२ पीडितहरू ९ दिनदेखि धर्नामा बस्दा सरकार कानमा तेल हालेर बस्नु निन्दनीय छ’, डा. भट्टराईले सामाजिक सञ्जालमार्फत भनेका छन्, ‘तुरुन्त छानबिन गरी अपराधीलाई कडा कारबाही होस्।’ 

मासिक ५-८%(बार्षिक ६०-९६%)ब्याज लिएर गरीब/किसानलाई उठीवास पार्ने मिटरब्याजी सुदखोर/ठगहरूलाई सरकारले कठोर दण्ड गर्नुपर्नेमा उल्टै नवलपरासी पश्चिमका ६२पीडितहरू ९ दिनदेखि काठमाण्डौमा धर्नामा बस्दा सरकार कानमा तेल हालेर बस्नु निन्दनीय छ।तुरून्त छानवीन गरी अपराधीलाई कडा कार्वाही होस्। pic.twitter.com/xKmu1fM4N2

— Baburam Bhattarai (@brb1954) August 11, 2022