माफी मागेर हटाइयो 'कमेडी हब'को विवादित दृश्य

आफू निर्देशित टीभी शो ‘कमेडी हब’को ट्रेलर विवादमा तानिएपछि केदार घिमिरे ‘माग्ने बूढा’ले माफी मागेका छन्।

नेपाल समय | सोमबार, साउन १६, २०७९

नेपाल समय

सोमबार, साउन १६, २०७९

माफी मागेर हटाइयो 'कमेडी हब'को विवादित दृश्य

काठमाडौं– आफू निर्देशित टीभी शो ‘कमेडी हब’को ट्रेलर विवादमा तानिएपछि केदार घिमिरे ‘माग्ने बूढा’ले माफी मागेका छन्।

अन्जानमा आफूहरुबाट गल्ती भएको स्वीकार्दै घिमिरेले दर्शक र शुभचिन्तकको सल्लाहबमोजिम ट्रेलरमा समावेश उक्त दृश्यलाई युट्युब, टिकटक र फेसबुक सबैतिरबाट हटाएको जनाएका छन्।

आइतबार राति सार्वजनिक गरिएको ट्रेलरमा भगवान् शिवलाई मजाकको विषय बनाइएको भन्दै विरोध भएको थियो। हिन्दूहरुको आस्थामाथि उक्त दृश्यले प्रहार गरेको भन्दै विरोध भएको हो।

यसअघि शैक्षिक व्यवसायीलाई यमराजको रुपमा चित्रण गरिएको भन्दै उक्त शो विवादित बनेको थियो। त्यसैगरी एउटा एपिसोडमा कलाकार दीपेन्द्र प्रसाईंले यमराजको भूमिकामा अभिनय गरेपछि उनलाई आफू कार्यरत कलेजले जागिरबाट निकालेको थियो। प्रसाईं उजुरी लिएर श्रम कार्यालयमा पुगेका छन्।

प्रकाशित: Aug 01, 2022| 13:58 सोमबार, साउन १६, २०७९