जिसस रामेछापका अधिकृतमाथि छुरा प्रहार

मन्थली- जिल्ला समन्वय समिति रामेछापका कार्यक्रम अधिकृत श्री नारायण सुवेदीमाथि छुरा प्रहार भएको छ । मन्थली १ मच्छेडाँडीमा रहेको सुवेदीको आफ्नै निवासमा सुतिरहेको बेलामा बुधबार राती छुरा प्रहार भएको हो । 

सुवेदीको पेटमा छुरा लागेको प्रहरीले जनाएको छ । तत्कालै उद्दार गरी तामाकोशी सहकारी अस्पतालमा   ल्याइएका सुवेदीलाइ त्याहा प्राथमिक उपचार पछि धुलिखेल अस्पताल पठाइएको र अस्पतालमा रातिनै शल्यक्रिया भएको छ । अस्पतालले आन्द्रा काटिएको जनाएको छ। उनी खतरामुक्त रहेको धुलिखेल अस्पतालले जनाएको छ । 

फेसबुक चलाएर बसिरहेको बेला मुखमा माक्स लगाएर आएको व्यक्तिले उनलाइ छुरा रोपेको थियो । छुरा फेला परेको परिवारजनले जनाएका छन । माथिल्लो तलामा रहेका सुवेदीलाइ छुरा प्रहार गर्ने व्यक्ती बरन्डाबाट हामफालेर फरार भएको सुवेदीले जनाएका छन ।