हजार रुपैयाँ चोरीको आरोपमा श्रीमतीको हत्या!

रुपन्देही- एक हजार रुपैयाँ चोरीको आरोपमा एक व्यक्तिले आफ्नै श्रीमतीको हत्या गरेको खुलेको छ। चोरी आरोपमा ३१ वर्षीया श्रीमती साबित्री थापा क्षत्रीको हत्या कञ्चन गाउँपालिका-१ डेलर बस्ने ३३ वर्षीय यम बहादुर थापा क्षेत्रीले गरेको प्रारम्भिक अनुसन्धानबाट खुलेको रुपन्देही प्रहरीले जानकारी दिएको छ। 

आफ्नै घरको सुत्ने कोठामा बुधबार बिहान सावित्री मृत अवस्थामा भेटिएकी थिइन्। ईलाका प्रहरी कार्यालय सालझण्डीबाट खटिएको प्रहरीले घटना शंकास्पद र हत्या भएको हुन सक्ने देखिएपछि यम बहादुरलाई नियन्त्रणमा लिएको थियो। 

यमबहादुरले अघिल्लो दिन साँझ दराजमा नगद राखेका थिए। यम बहादुरले राति उठेर पैसा गन्दा एक हजार कम भएपछि श्रीमतीलाई उठाई पैसा नसोधी झिकेको भन्दै कुटपिट गरेका थिपए। श्रीमतीलाई खाटको खुट्टा र भित्तामा टाउको ठोकाई हत्या गरेको अनुसन्धानबाट खुलेको प्रहरीले बताएको छ। 

उनी उपर ज्यानसम्बन्धी कसुर अन्तर्गत म्याद थप गरी प्रहरीबाट आवश्यक अनुसन्धान भइरेहेको प्रहरीले जानकारी दिएको छ।