आजका अखबार : तरकारी व्यापारीको दादागिरीमा सरकार मौन

काठमाडौं- राजधानीबाट प्रकाशित बुधबारका राष्ट्रिय दैनिक अखबारहरुले विविध विषयका खबरलाई पहिलो प्राथमिकतामा पारेका छन् । 

कसैले अनुगमनविरुद्ध तरकारी व्यापारीले बजार ठप्प पारेको विषयलाई मुख्य समाचार बनाएका छन् भने कसैले गोपनीयताको हकसम्बन्धी विद्येयक संसद्मा दर्ता भएको विषयलाई प्राथमिकतामा पारेका छन् । 

आजको नागरिक दैनिकले 'तरकारी व्यापारीको दादागिरी' शीर्षकमा खबर लेखेको छ भने कान्तिपुर दैनिकले 'तरकारीमा सिन्डिकेट : अनुगमनविरुद्ध बजार ठप्प' शीर्षकमा खबर छापेको छ । अतिआवाश्यक बस्तु तरकारी विक्रीवितरणमा हड्ताल गरेर कालिमाटी तरकारी बजारमा व्यापारीले दादागिरी देखाएका छन् । 

सरकराी अनुगमनको विरोधमा उपभोक्तालाई असर पुग्ने गरि मंगलबार तरकारी तथा फलफुल किनबेच रोकेर व्यापारी हड्तालमा उत्रिएको पत्रपत्रिकाले लेखेका छन् । अत्यावश्यक वस्तुको निकासी पैठारी तथा नियन्त्रण ऐन २०१७ अनुसार अत्यावश्यक वस्तुको निकासी पैठारीमा अवरोध गर्न पाइदैन । तर, व्यवसायीले विज्ञप्ति जारी गरेरै बन्द गर्दा पनि सरकारले कुनै कारबाही नगरेको उपभोक्ताको गुनासो छ ।

यस्तै आजको अन्नपूर्ण पोस्ट्ले गापनियता भंग गरे कैद शीर्षकमा खबर लेखेको छ भने कान्तिपुर दैनिकले सार्वजनीक पदासीनका विवरण पनि गोप्य शीर्षकमा खबर छापेको छ । सरकारले व्यक्तिगत गोपनियता मंग हुने खालका सामग्री प्रकाशन–प्रसारणमा रोक लगाउने प्रावधानसहितको विधेयक संसद्मा दर्ता गरेको छ ।

विद्येयकअनुसार अब व्यक्तिगत विवरण सार्वजनिक गर्न सम्बन्धित व्यक्तिको मन्जुरी लिनु पर्ने अन्नपूर्णले लेखेको छ । यस विद्येयकले सरकारी राज्यकोषबाट तलव सुविधा लिने सार्वजनिक पदाधिकारीको शैक्षिक प्रमाणपत्र  र व्यक्तिगत विवरण समेत गोप्य राख्ने कानुनी  व्यवस्था गर्न लागेको कान्तिपुरमा उल्लेख छ । 

यसैगरि आजको अन्नपूर्णले विदेशमा काम गर्न गएका विरामी भएर कोमामा रहेका २२ श्रमिकलाई स्वदेश फर्काउने तयारी भएको खबर लेखेको छ भने नागरिक दैनिकले 'खल्तीमा खानी : घुमाउरो बाटोबाट लाइसेन्स बिक्री' शीर्षकमा मुख्य समाचार प्रकाशित गरेको छ । उसका अनुसार व्यक्ति वा कम्पनीका नाममा देशभर खानी कब्जा गर्ने र दर्ता गरी मोटो रकममा बेचविखन गर्ने होडवाजी चलेको छ ।  

आजको नयाँ पत्रिकाले भने सवा चार लाख घरमा गोबरग्यास शीर्षकमा खबर छापेको छ । नेपालमा गोबरग्यासको सुरुवात भएको ६३ वर्ष भैसकेको छ भने परियोजनाकै रुपमा विकास हुन थालेको ३३ वर्ष भएको छ । नयाँ पत्रिकाले ३२ घरमा पाइप जोडेर प्रधामन्त्री भन्दैछन् अब सिलिन्डर युगको अन्त्य निश्चित उपशीर्षकमा पनि खबर लेखेको छ ।  

यस्तै निर्मला पन्तको बलात्कार र हत्या प्रकरणमा प्रहरीले नक्कली अभियुक्त सार्वजनिक गरेको भन्दै कञ्चनपुरमा प्रदर्शन भएको, यातायात साधनको प्रदुषण नाप्ने करोडौँका उपकरण उपयोग विहिन भएको विषयलाई महत्वका साथ पहिलो पृष्ठमा छापेको छ ।