काठमाडौं– चलचित्र प्रेमगञ्ज जर्मनीलगायत युरोपका ४४ देशमा एकसाथ प्रदर्शन हुने भएको छ। सार्वजनिक रूपमै विदेशी चलचित्र सरह विदेशी दर्शकमाझ थिएटरमै प्रेमगञ्ज प्रदर्शन हुने भएको हो। अन्तर्राष्ट्रिय कम्पनीले नेपाली भाषाको चलचित्र यसरी प्रदर्शन गर्न लागेको यो पहिलो पटक हो।
प्रेमगञ्ज जर्मनी, अष्ट्रिया, पोल्यान्ड, माल्टा, डेनमार्क, नेदरल्यान्ड लगायत युरोपका ४४ देशमा प्रदर्शन हुनेछ। जर्मनीमा अवस्थित लोकह फिल्म इन्टरटेनमेन्टले युरोपमा यो फिल्म प्रदर्शन गर्न लागेको हो।