नेपाल समयका सम्पादक सुवेदीलाई पितृशोक

काठमाडौं- नेपाल समयका सम्पादक विष्णु सुवेदीलाई पितृशोक परेको छ। सुवेदीका पिता धातानन्द सुवेदीको मंगलबार निधन भएको छ।

पाँच वर्षदेखि प्रोस्टेट ग्रन्थीको क्यान्सरबाट पीडित सुवेदीको भरतपुरस्थित बीपी कोइराला मेमोरियल क्यान्सर अस्पतालमा उपचार भइरहेको थियो। उपचारकै क्रममा मंगलबार बिहान निधन भएको हो। उनको मंगलबार नै देवघाटमा दाहसंस्कार गरिएको छ। पार्थिक शरीरमा जेठा छोरा विष्णु सुवेदीले दागबत्ति दिएका थिए।

गुल्मीको छत्रकोट गाउँपालिका–१ हुँगामा ७ असोज २००७ मा जन्मिएका स्वर्गीय सुवेदीका पत्नी, दुई छोरा र एक छोरी छन्। 

सम्पादक सुवेदीको परिवारलाई परेको पितृशोकको यस दुःखद् घडीमा हार्दिक समवेदना प्रकट गर्दै नेपाल समय परिवार मृतात्माको चीर शान्तिको कामना गर्दछ।