समुद्री घोडा र बाघको हड्डीसहित तीन चिनियाँ नागरिक पक्राउ

काठमाडौं- समुद्री घोडा तथा बाघको छालासहित तीन जना चिनियाँ नागरीकलाई महानगरीय प्रहरी परिषर काठमाडौंले नियन्त्रणमा लिएको छ।

काठमाडौं वान होटलका सञ्चालक चिनियाँ नागरिक चेन क्आङलाई काठमाडौंको ठमेलस्थित उनकै होटलबाट परीसरबाट खटिएको टोलीले पक्राउ गरेको छ। उनको साथबाट समुद्री घोडा ३०० ग्राम यार्सागुम्बा ९० ग्राम सुनाखरी ३३० ग्राम तथा विभिन्न जडीबुटी साढे ६ केजी बरामद भएको छ।

दुर्लभ वन्यजन्तु बाघको हड्डीसहित चिनीयाँ नागरिक १८ वर्षीय जिन वाई तथा वर्ष १९ को झाङ यु ताईनलाई परिसरले पक्राउ गरेको हो।  उनीहरुको साथबाट बाघको खपडी, तथा  हड्डी बरामद गरिएको प्रहरीले जनाएको छ। उनीहरुलाई आवश्यक कारबाहीको लागि जिल्ला वन कार्यालय काठमाडौं पठाईएको छ।