काठमाडौं- काठमाडौंको बुद्धनगरस्थित केएमसी स्कुलमा मृत फेला परेकी कर्मचारीका आफन्तले शव बुझ्न मानेका छैनन्। हत्याको आशंका गर्दै आफन्तले शव उठाउन इन्कार गरिरहेका हुन्।
केएमसी स्कुलको क्यान्टिनमा कार्यरत काभ्रेको तेमाल गाउँपालिका–८, मेच्छे स्थायी घर भएकी २१ वर्षीया रमा रायमाझी शनिबार बेलुका स्कुलमै झुन्डिएको अवस्थामा मृत फेला परेकी थिइन्। रमा केएमसी स्कुलमा ५ वर्षदेखि कार्यरत थिइन्।
रायमाझी स्कुलभित्र होस्टेलको बेडमा झुन्डिएको अवस्थामा मृत फेला परेकी प्रहरीले जनाएको छ।
स्कुलको ग्राउन्ड फ्लोरमा रहेको होस्टलको रुममा उनी मृत भेटिएकी काठमाडौं प्रहरी परिसरका एसपी दिनेशराज मैनाली बताए।
अवस्था तनावग्रस्त बनेपछि अहिले अहिले त्यहाँ ठूलो संख्यामा सशस्त्र प्रहरी र नेपाल प्रहरी परिचालन गरिएको छ। प्रहरीले घटनाको अनुसन्धान गरिरहेको जनाएको छ