अमेरिकामा बृहत् नेपाली सम्मेलन हुँदै, कांग्रेस महामन्त्री शर्माले उद्घाटन गर्ने

काठमाडौं- संयुक्त राज्य अमेरिकाको नर्थ क्यारोलिना राज्यमा बृहत् नेपाली सम्मेलन आयोजना गरिने भएको छ। गैरआवासीय नेपाली संघ अमेरिकाको ११औं सम्मेलनका अवससरमा नेपाली सम्मेलन र तेस्रो 'नलेज कन्भेन्सन' हुन लागेको हो। 

कार्यक्रम जुलाई ३ र ४ मा नर्थ क्यारोलिना राज्यमा हुने गैरआवासीय नेपाली संघले जानकारी दिएको छ। कार्यक्रम उद्घाटनका लागि नेपाली कांग्रेसका महामन्त्री विश्वप्रकाश शर्मा अमेरिका जाने तय भइसकेको आयोजकको भनाइ छ।

सम्मेलनमा ११ फरक विषयमा विज्ञहरुले कार्यपत्र प्रस्तुत गर्ने कार्यक्रम छl विज्ञान र प्रविधि, दिगो कृषि र प्राकृतिक श्रोत व्यवस्थापन, नेपालमा लगानीको क्षेत्र र संगठित लगानी, मास मिडिया र सामाजिक संजाल, सामाजिक बिज्ञान र लोककल्याण, महिला, युवा र नेपाली संस्कृति,  प्रविधि र पुर्वाधार अनि नेपालका लागि नेपाली डायस्पोराको भुमिका लगायतका बिषयमा कार्यपत्र प्रस्तुति पस्चात् गहन छलफल हुने एनआरएनए अमेरिकाले जनाएको छl

सम्मेलनमा एनआरएन आइसिसीका अध्यक्षहरु, विभिन्न देशमा रहेका एनआरएन नेतृत्व सँगै अमेरिकाका करिब चारसय प्रतिनिधिको सहभागिता रहनेछl