झापामा हात्ती मृत फेला

जिल्लाको बुद्धशान्ति गाउँपालिका-५ आयाबारीस्थित मीना कार्कीको घर पछाडि खेतमा हात्ती मृत अवस्थामा भेटिएको हो।

नेपाल समय | शुक्रबार, असार १७, २०७९

नेपाल समय

शुक्रबार, असार १७, २०७९

काठमाडौं- झापामा एउटा हात्ती मृत अवस्थामा फेला परेको छ। जिल्लाको बुद्धशान्ति गाउँपालिका-५ आयाबारीस्थित मीना कार्कीको घर पछाडि खेतमा हात्ती मृत अवस्थामा भेटिएको हो।

हात्ती मर्नुको कारण खुल्न सकेको छैन। खेतमा हात्ती लडिरहेको देखेपछि स्थानीयले प्रहरीलाई खबर गरेका थिए। स्थानीय तीर्थ तिम्सिनाले हात्ती के कारणले मरेको हो भन्ने विज्ञहरू आएपछि मात्रै थाहा हुने बताए।

स्थानीय, वन कार्यालयका कर्मचारी तथा रक्षकले मृत हात्तीलाई घेरा हालेर बसेका छन्। हात्तीको दाह्रा, सुढ, पुच्छर र खुर सुरक्षित छ। मृत हात्तीको शरीरमा कुनै पनि चोटपटक नरहेको स्थानीयले बताए।

दाह्रा हेर्दा हात्ती किशोरावस्थाको जस्तो रहेको जिल्ला वन कार्यालयका रेन्जर कुलप्रसाद भट्टराईले जानकारी दिए। १० वर्षयता झापामा ११ हात्ती मरिसकेका छन्।

प्रकाशित: Jul 01, 2022| 10:05 शुक्रबार, असार १७, २०७९