काठमाडौं– नेकपा एमालेका तत्कालीन महासचिव मदनकुमार भण्डारीको ७१औं जन्मजयन्ती मंगलबार विविध कार्यक्रमसहित मनाइँदै छ।
जन्मजयन्ती मनाउन एमालेका जनसंगठन र मदन भण्डारी फाउन्डेसनले विभिन्न कार्यक्रम तय गरेका छन्। जन्मजयन्तीलाई साताव्यापी रूपमा मनाउन फाउन्डेसनले असार १० देखि असार १६ गतेसम्मका कार्यक्रम घोषणा गरिसकेको छ।
फाउन्डेसनले मंगलबार मुख्य कार्यक्रमका रूपमा ‘जनताको बहुदीय जनवाद (जबज): राष्ट्र निर्माणको आधार’ विषयमा विचार गोष्ठी र मदन भण्डारी राष्ट्रिय पुरस्कार वितरण कार्यक्रम आयोजना गरेको छ।
२०५० जेठ ३ गते चितवनको दासढुंगामा भएको जिप दुर्घटनामा नेता भण्डारी र संगठन विभागका प्रमुख जीवराज आश्रितको निधन भएको थियो।