भारतीय पूर्वप्रधानमन्त्री बाजपेयीको निधन

काठमाडौं- भारतीय पूर्वप्रधानमन्त्री अटलबहारी बाजपेयीको निधन भएको छ। 

 मृगौला रोगबाट पिडित अटलबिहारीको भारतको नयाँ दिल्लफस्थित एम्स अस्पतालमा उपचारका क्रममा बिहीबार साँझ ५:०५ बजे ९३ वर्षको उमेरमा निधन भएको हो। 

किड्नीमा संक्रमण र अन्य स्वास्थ्यसम्बन्धी समस्याका कारण उनी अस्पताल भर्ना भएका थिए।

भारत रत्नबाट सम्मानित वाजपेयी तीन पटक भारतका प्रधानमन्त्री भए। सन् १९९६ मा १३ दिन, १९९८-१९९९ र अन्तिम पटक १९९९ देखि २००४ सम्म प्रधानमन्त्री रहे। बाजपेयी कवि र समावेशी राजनीतिका पर्याय पनि हुन्।