रोहितको टिमद्वारा रोनाल्डिन्होको टिम ४-२ गोलले पराजित

काठमाडौं- 'ट्रफियो रोनाल्डिन्हो' नाम दिइएको च्यारिटी म्याचमा रोहितको टिमले रोनाल्डिन्होको टिमलाई पराजित गरेको छ।  शनिबार राति मालाङस्थित कान्जुरुहान रंगशालामा भएको खेलमा निर्धारित समयमा ०-० गोल भएपछि खेल पेनाल्टीमा गएको थियो।

पेनाल्टीमा रोनाल्डिन्होको टिम ४-२ गोलले पराजित भएको हो। 

रोहित सम्मिलित टोली पेर्सिक केडिरी एफसीले रोनाल्डिन्हो सम्मेलित रेन्स नुसनतारा एफसी च्यारिटी म्याच खेलेको हो। रोनाल्डिन्हो च्यारेटी म्याच खेल्न इन्डोनेसिया पुगेका थिए।

सन् २०१८ जनवरी १६ मा उनले सन्यास घोषणा गरेका थिए। उनको खेल जीवनका अनेक किस्सा छन्। र उनलाई मन नपराउने विश्व फुटबलमा विरलै होलान्। सक्रिय खेल जीवनमा ब्रेक लगाए पनि ४२ वर्षीय रोनाल्डिन्हो यदाकदा च्यारेटी म्याच खेल्न मैदानमा उत्रने गर्छन्, उही फूर्ती र मुस्कानका साथमा।

आज उनी रोहितको टिमविरुद्ध उसैगरी मैदान उत्रिएका थिए। तर, निर्धारित समयमा रोहितको टिमलाई पराजित गर्न भने सकेनन्।