चार डीआइजीको सरुवा, को कहाँ पुगे ?  

काठमाडौं- गृह मन्त्रालयले  चार जना प्रहरी नायब महानिरीक्षक (डीआर्इजी)को सरुवा गरेको छ । बुधबार साँझ बसेको मन्त्रीस्तरीय बैठकले डीआर्इजीहरू महेशबिक्रम शाह, सुरेशबिक्रम शाह, सुरज केसी र धिरु बस्नेतको सरुवा गरेको हो । 

महेशबिक्रम शाहलाई प्रहरी प्रधान कार्यालय तालिम निर्देशनालयबाट प्रदेश प्रहरी कार्यालय प्रदेश नम्बर ६ सुर्खेत पठाएको छ भने सुरेशबिक्रम शाहलाई प्रदेश नम्बर ६ सुर्खेतबाट तालिम निर्देशनालयमा तानेको छ । 

यस्तै, सुरज केसीलाई सुरक्षा व्यवस्थापन निर्देशनालय नक्सालबाट प्रदेश प्रहरी कार्यालय प्रदेश नम्बर ७ मा पठाएको छ । धिरु बस्नेतलाई भने सुरक्षा व्यवस्थापन निर्देशनालयमा तानेको छ ।