दुर्लभ वन्यजन्तुको दाँतसहित पाँचजना पक्राउ

काठमाडौं- केन्द्रीय अनुसन्धान ब्यूरो सिआईबीले दुर्लभ वन्यजन्तुको दाँत तथा नंग्रा किनबेच गर्दै गरेको अवस्थामा काठमाडौंको गैरीगाउँ तिनकुनेबाट पाँच जनालाई नियन्त्रणमा लिएको छ। 

पक्राउ पर्नेमा ओखलढुङ्गा लिखु गाँउपालीका-९ का महेश राई, मिलन सुवेदी , प्रतिरोध सुवेदी सोलूखुम्बु दुधकुण्ड नगरपालीका-९ का पुर्ण बहादुर तामाङ तथा मोरङ कानपोखरी गाँउपालीका-२ का श्रवण चौधरी छन।
 
उनीहरुको साथबाट चितुवालगायत दुर्लभ वन्यजन्तुका ३६ थान दाँत तथा नंग्रा ६ थान बरामद गरिएको सिआईबीले जनाएको छ। उनीहरुलाई राष्ट्रिय निकुन्ज तथा वन्यजन्तु संरक्षण ऐन २०२९ तथा साईटिस महासन्धी १९७५ विरुद्धको अपराधमा कारबाही गरिने  सिआर्इबीले जनाएको छ। 

साथै कर्तव्य ज्यान मुद्दामा फरा अभियुक्त नुवाकोट देउराली-९ की सुशीला तामाङलार्इ पक्राउ गरेको छ। तामाङले २०६५ साल वैशाख २२ मा रुद्रनाथ अधिकारीलार्इ घरेलु हतियार प्रहार गरी गम्भीर घाइते बनाइ फरार भएकि थिइन्। 

अदालतबाट उनलार्इ चार वर्ष ११ महिना ६ दिन कैद सजायको आदेश गरेको थियो। 

उनलार्इ बुधबार बालाजुबाट पक्राउ गरेको प्रहरीले जनाएको छ।