अवैध गाँजासहित दुई भारतीय पक्राउ

वीरगंज-अवैधरुपमा लागू औषध गाँजा लुकाएर भारततर्फ लैजाँदै गरेको अवस्थामा बारा प्रहरीले दुई भारतीय नागरिकलाई नियन्त्रणमा लिएको छ ।

इलाका प्रहरी कार्यालय अमलेखगंजबाट खटिएको प्रहरी गस्ती टोलीले डमरापुर अमलेखगंज सडक खण्डमा पर्ने सीमरा-जीतपुर उपमहानगर-२२ बाट दुईजना भारतीय नागरिकलाई ३ किलो २ सय ग्राम अवैध गाँजासहित पक्राउ गरेको हो ।

डोरीको सहायताले शरीरमा गाँजा बाँधेर लुगा लगाएको अवस्थामा  भारत मोतिहारी रक्सौल निवासी पासपत साहको शरीरबाट गाँजा बरामद भएको प्रहरी नायब उपरिक्षक रंजित सिंह राठौरले जानकारी दिए । प्रहरीले साहसँगै रहेका मोतियारी जिल्ला अन्तर्गतकै नरकटियागंज निवासी लक्ष्मण साहलाई समेत नियन्त्रणमा लिएको छ ।