विष्टले किन गरे आफ्नै छोरा र भाइको हत्या ?

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

मुसीकोट- रुकुम पश्चिमको मुसीकोट नगरपालिका १४ का एक व्यक्तिले आफ्नै छोरा र भाईको हत्या गरेका छन् । मुसीकोट १४ लोरीबाङ लरेखेतका ३६ वर्षिय शंकर बिष्टले बुधबार बिहान खुकुरी प्रहार गरी आफ्नै छोरा र भाईको हत्या गरेका हुन् ।

दुई वर्षदेखि मानसिक सन्तुलन बिग्रिएका उनले ६ वर्षिय छोरा सुदर्शन बिष्ट र अपांग भाई २० वर्षिय गोकर्ण बिष्टको खुकुरी प्रहार गरी हत्या गरेको जिल्ला प्रहरी कार्यालय पश्चिम रुकुमले जनाएको छ ।

उनले अन्धाधुन्ध खुकुरी प्रहार गर्दा दुई छोराहरु पनि घाईते भएका छन् । दुई मध्ये एक छोराको अवस्था गम्भिर रहेको जिल्ला प्रहरी प्रमुख, प्रहरी नायव उपरीक्षक सुमित खड्काले जानकारी दिए ।

उनले आफै माथि पनि खुकरी प्रहार गरी आत्महत्याको प्रयास समेत गरेको खड्काले बताए । उनलाई नियन्त्रणमा लिएर जिल्ला अस्पतालमा उपचार भैरहेको प्रहरीले जनाएको छ ।

प्रकाशित: Dec 31, 2017| 18:23 आइतबार, पुस १६, २०७४