बोक्रासहित फलफूलको सेवन कति फाइदाजनक?

काठमाडौं- मौसम अनुसारका फलफूल पोषक तत्वले भरिपूर्ण मानिन्छन्। यतिमात्र होइन केही फलफूलमा पाइने एन्टिअक्सिडेन्ट तत्वले तपाईंलाई सबै प्रकारका गम्भीर रोगबाट बचाउन मद्दत गर्छ।

केही फलफूलमा अधिक पोषक तत्व तिनिहरूको बोक्रामा हुन्छ। त्यसैले फलफूल तसेर खाँदा ती पोषक तत्वको पूर्ण लाभ प्राप्त नहुन सक्छ। 

फलफूलबाट अधिकतम लाभ प्राप्त गर्न यसलाई सही समयमा उपभोग गर्न आवश्यक छ। अध्ययनहरुका अनुसार सूर्यास्तपछि फलफूल खानु हुँदैन किनभने यसले मेटाबोलिज्मलाई असर गर्छ।  

कुन फलफूल बोक्रासँगै खानु बढी फाइदाजनक मानिन्छ?

स्याउ 

तपाईंले धेरैलाई स्याउको बोक्रा खाँदै गरेको पनि देख्नु भएको होला, विज्ञहरू यसलाई गलत तरिका मान्छन्।

स्याउको मुख्य फल जस्तै यसको बोक्रामा पनि विभिन्न किसिमका पोषक तत्व पाइन्छ जुन तपाईंका लागि विशेष फाइदाजनक हुन सक्छ।

स्याउको बोक्रा खानको तुलनामा यदि हामीले यसको बोक्रासहित खायौं भने यसले ३३२ प्रतिशत बढी भिटामिन-के, १४२ प्रतिशत बढी भिटामिन-ए, ११५प्रतशत बढी भिटामिन-सी, २० प्रतिशत बढी क्याल्सियम र १९ प्रतिशत बढी पोटासियम प्रदान गर्छ।

काँक्रा

यदि तपाईंलाई पनि काँक्राको बोक्रा छिलेर खाने बानी छ भने त्यसलाई सुधार्नुहोस् किनभने अध्ययनमा बोक्रासहित काँक्रा खानु विशेष फाइदाजनक रहेको बताइएको छ।

काँक्राको गाढा हरियो रङमा यसको अधिकांश एन्टिअक्सिडेन्ट, अघुलनशील फाइबर र पोटासियम हुन्छ।

यसमा भिटामिन-के पनि प्रशस्त मात्रामा पाइन्छ, त्यसैले यसलाई सफा गरेर नछोएर खानुपर्छ। काक्रा तपाईंको हाइड्रेसनलाई राम्रोसँग कायम राख्नको लागि धेरै उपयोगी फल हो।

आँप

काँचो होस् वा पाकेको बोक्रासँग आँप खानु बढी फाइदाजनक मानिन्छ। अध्ययनहरुका अनुसार आँपको बोक्रामा म्यान्जिफेरिन, नोरेथ्रियोल र रेसेभेराट्रोल जस्ता शक्तिशाली एन्टिअक्सिडेन्ट हुन्छ।

जसले फोक्सो, कोलोन, स्तन, मस्तिष्क र मेरुदण्डको क्यान्सर र अन्य धेरै गम्भीर रोगहरूको जोखिमलाई कम गर्न मद्दत गर्छ। आँपको बोक्रासहित सेवन गर्नुपर्छ।

सुन्तला

सुन्तलालाई भिटामिन-सीको राम्रो स्रोत मानिन्छ जसले शरीरको रोग प्रतिरोधात्मक क्षमतालाई राम्रो बनाउन मद्दत गर्छ।

भिटामिन-सी धेरै प्रकारको संक्रमणबाट बचाउनको लागि पनि धेरै उपयोगी मानिन्छ। सुन्तलामा पाइने भिटामिन सीभन्दा दोब्बर यसको बोक्रामा पाइन्छ। सुन्तलाको बोक्रामा रिबोफ्लेभिन, भिटामिन बी६, क्याल्सियम, म्याग्नेसियम र पोटासियम पनि पाइन्छ।      -अमरउजालाबाट