सप्तरीमा पोखरीमा डुबेर दुई जनाको मृत्यु

राजविराज- पोखरीमा डुबेर आज सप्तरीमा दुई जनाको मृत्य भएको छ । 

मृृत्यु हुनेमा सप्तरी बलान बिहुल गाउँपालिका- २ पत्थराटोलका श्रीराम साहको चार वर्षीय छोरा रञ्जीतकुमार साह रहेको जिल्ला प्रहरी कार्यालय सप्तरीका प्रहरी नायब उपरीक्षक भावेश रिमालले जानकारी दिए ।  

आफ्नो हजुरआमासँग पोखरीमा नुहाउने क्रममा रञ्जीतको डुबेर मृत्यु भएको उनले बताए ।  

यसैगरी मादक पदार्थ सेवन गरी बेपत्ता रहेका सप्तरी रुपनी गाउँपालिका–२ का ४० वर्षीय रामउद्गार सदाको पनि पोखरीमा डुबेर मृत्यु भएको छ । सदाको शव मंगलबार पोखरीमा डुबेको अवस्थामा फेला परेको प्रहरीले जनाएको छ ।