अमेरिकासँग नेपाल ३९ रनले पराजित

अमेरिकाले दिएको २ सय ४६ रनको लक्ष्य पछ्याएको नेपालले ४७ ओभर ४ बलमा अलआउट हुँदै २ सय ६ रन मात्र बनाउन सक्यो।

नेपाल समय | बिहीबार, असार २, २०७९

नेपाल समय

बिहीबार, असार २, २०७९

काठमाडौं- आईसीसी पुरुष क्रिकेट विश्वकप लिग टु अन्तर्गतको त्रिदेशीय सिरिजको अन्तिम खेलमा बुधबार नेपाल अमेरिकासँग पराजित भएको छ। अमेरिकाले टेक्ससस्थित मुसा क्रिकेट मैदानमा नेपाललाई ३९ रनले पराजित गर्‍यो।

नेपालका लागि आरिफ शेखले ६३ रनको अर्धशतकीय इनिङ खेलेपनि टोलीलाई जित दिलाउन सकेनन्।

यस्तै सोमपाल कामीले ४७ रन जोड्दा देव खनालले ३४ रन बनाए। आसिफ शेख १८, रोहित पौडेल १६ र कुशल भुर्तेल १० रनमा आउट भए।

दिपेन्द्र सिंह ऐरीले ७, आदील अन्सारीले ४,करण केसीले १ र कप्तान सन्दीप लामिछाने सुन्य रन आउट भए। अमेरिकाका अलि खान र सौरभ नेत्राभाल्करले ३-३ विकेट लिए। त्यसअघि पहिले ब्याटिङ गरेको अमेरिकाले ५० ओभरमा ७ विकेट गुमाएर २ सय ४५ रन जोडेको थियो।