काठमाडौं- यूईएफए नेसन्स लिग फुटबलमा इंग्ल्यान्डलाई हंगेरीले पराजित गरेको छ। मंगलबार राति भएको खेलमा लिग ए ग्रुप ३ मा इंग्ल्यान्डले हंगेरीसँग ४–० को लज्जास्पद हार बेहोरेको हो।
हंगेरीको जितमा रोलान्ड सलाईले दुई तथा नागी र डानिल गाज्दागले एक एक गोल गरे। खेलको ८२औं मिनेटमा इंग्ल्यान्डको जोन स्टोन्स रातो कार्डको सामना गर्दै बाहिरिएका थिए।
यो जितसँगै हंगेरी ४ खेलबाट ७ अंक जोडेर शीर्षस्थानमा उक्लिएको छ। पराजित इंग्ल्यान्ड २ अंक जोडेर पुछारमा रहेको छ। समूहमा ६ अंक जोडेको जर्मनी दोस्रो तथा ५ अंक जोडेको इटाली तेस्रो स्थानमा छ।