काठमाडौं- यूईएफए नेसन्स लिग फुटबल अन्तर्गत गएराति जर्मनीले इटालीलाई हराएको छ। खेलमा जर्मनीले इटालीलाई ५-२ गोल अन्तरले हराएको हो।
जर्मनीलाई जित दिलाउन टिमो वेर्नेरले दुई गोल गरे। जोसुवा किमिच, इल्के गुण्डोगान, थोमस मुलरले एक एक गोल गरेका थिए। इटालीका विल्फ्रिड जिनोन्टो र एलेसान्द्रो बास्टोनीले एक एक गोल गरेका थिए।
यस जितसँगै जर्मनी लिग-ए समूह ३ को दोस्रो स्थानमा उक्लिएको छ। जर्मनीले ४ खेलमा ६ अंक जोडेको छ भने इटाली ५ अंक जोडेर तेस्रो स्थानमा रहेको छ।