काठमाडौं- त्रिभुवन अन्तरार्ष्ट्रिय विमानस्थलबाट ५१६.५ ग्राम सुनसहित एक जनालाई प्रहरीले पक्राउ गरेको छ।
पक्राउ पर्नेमा कतार एयरवेजको विमानबाट बिहीबार बिहान ९:४५ बजे काठमाडौं आएका धुनषाका जितेन्द्र कुमार यादव रहेका छन्।
त्रिभुवन अन्तर्राष्ट्रिय विमानस्थलस्थित भन्सार कार्यालयका प्रमुख महेश भट्टराईले चेकजाँच गर्ने क्रममा ती युवाले लगाइराखेको भित्री वस्त्र (कटटु) मा फल्स पकेट बनाई विष्कुट आकारको सुन ४६६.५ ग्राम र सिक्री आकारको सुन ५० ग्राम गरी कुल ५१६.५ ग्राम सुन फेला परेको हो।
बरामद सुनसहित युवामाथि आवश्यक अनुसन्धान भइरहेको प्रहरीले जनाएको छ।