काठमाडौं– काठमाडौंको मूलपानीमा एक युवक मृत भेटिएका छन्। बाजुराको बुढीगंगा गाउँपालिका–९ घर भई हाल कोटेश्वर बस्दै आएका २२ वर्षीय धर्म शाही मृत भेटिएको प्रहरीले जनाएको छ।
कागेश्वरी मनोहरा नगरपालिका–६ मूलपानीस्थित लक्ष्मीनारायण मन्दिर पछाडि शाही बिहीबार मृत भेटिएका हुन्। प्रहरीका अनुसार शाही काँडाघारीस्थित मोटरसाइकल वर्कशपमा कार्यरत थिए।
प्रहरीले पोस्टमर्टमका लागि शव पाटन अस्पताल पठाएर अनुसन्धान भइरहेको जनाएको छ।