दार्चुला- दार्चुलाका एक नवनिर्वाचित वडासदस्यको मृत्यु भएको छ। महाकाली नगरपालिका-७ का निर्वाचित वडासदस्य केशवराम कोलीको मृत्यु भएको प्रहरीले जनाएको छ।
वैशाख ३० गतेको स्थानीय तह निर्वाचनमा नेकपा एमालेबाट वडासदस्यमा निर्वाचित भएका कोलीको मृत्यु भएको प्रहरीको भनाइ छ।
पेटसम्बन्धी समस्याका कारण जिल्ला अस्पताल लैजाँदै गर्दा कोलीको मृत्यु भएको जिल्ला प्रहरी कार्यालयका प्रहरी निरीक्षक ध्रुव विष्टले बताए।