रुपन्देही- रूपन्देहीको देवदह नगरपालिकास्थित-९ भुमहीस्थित एक होटलमा युवतीलाई बलात्कार गरेको आरोपमा आइतबार साँझ प्रहरीले एक जनालाई पक्राउ गरेको छ।
२२ वर्षीया युवतीलाई बलात्कार गरेको अभियोगमा देवदह नगरपालिका-६ बस्ने ३४ वर्षीय हेमबहादुर घर्ती मगरलाई प्रहरीले पक्राउ गरेको हो।
यस सम्बन्धमा ईलाका प्रहरी कार्यालय बुटवलका सूचना अधिकृत प्रहरी निरीक्षक प्रकाश खत्रीले भने, 'सोमबार हामीले जबरजस्ती करणी सम्बन्धी मुद्दा अदालतमा दायर गरी म्याद समेत थप गरेका छौँ।' उनले थप बुझ्नका लागि होटल सञ्चालकसहित दुई जनालाई पनि ल्याएर पछि छाडिएको बताएका छन्।