सम्पर्कविहीन विमान खोजीका लागि हेलिकोप्टर परिचालन

पोखराबाट मुस्ताङको जोमसोमका लागि उडेको तार एयरको विमान सम्पर्कविहीन भएपछि त्यसको खोजीका लागि हेलिकोप्टर परिचालन गरिएको छ।

नेपाल समय | आइतबार, जेठ १५, २०७९

नेपाल समय

आइतबार, जेठ १५, २०७९

सम्पर्कविहीन विमान खोजीका लागि हेलिकोप्टर परिचालन

साकेतिक तस्बिर

काठमाडौं– पोखराबाट मुस्ताङको जोमसोमका लागि उडेको तार एयरको विमान सम्पर्कविहीन भएपछि त्यसको खोजीका लागि हेलिकोप्टर परिचालन गरिएको छ।

आज (आइतबार) बिहान पोखराबाट उडेको तारा एयरको ९ एनएईटी ट्विनअटर विमान सम्पर्कविहीन भएको हो। विमान अवतरण गर्ने समय भइसक्दा पनि अवतरण नभएपछि सम्पर्कविहिन भएको पुष्टि नागरिक उड्डयन प्राधिकरणले बताएको छ।

जहाजमा १९ जना यात्रु रहेको बताइएको छ। विमान खोज्न फिस्टेल एयरको हेलिकोप्टर पठाइएको हो।

विमान पोखराबाट बिहान ९ बजेर ५५ मिनेटमा जोमसोमका लागि उडेको थियो। १० बजेर २० मिनेटमा अवतरण हुनुपर्ने विमान ११ बजिसक्दा पनि सम्पर्कमा नआएपछि खोजी सुरु भएको हो।

विमानमा क्याप्टेन प्रभाकरप्रसाद घिमिरे, कोपाइलट इतासाप पोखरेल र एयर होस्टेज कास्मी थापा थिए। साथै जहाजमा १३ नेपाली, ४ भारतीयसहित २ अन्य देशका नागरिक थिए।