काठमाडौं- देशका भिन्नाभिन्नै स्थानमा तीन जनाको शव फेला परेको छ। काठमाडौं महानगरपालिका-१७ ढल्कु वस्ने ७२ वर्षीया राधिका महर्जन आफ्नै घरको भुइँ तलामा बनाएको पानीको रिजर्भ ट्याँकीमा गएराति मृत अवस्थामा फेला परेकी छन्।
चितवन राप्ती नगरपालिका-८ थ्रि-ग्रुप बस्ने ५८ वर्षीय अनन्त बहादुर रानाभाट आफ्नै घर नजिक कच्ची सडकको छेउमा मंगलबार मृत अवस्थामा फेला परेका छन्।
रसुवा, गोसाईकुण्ड गाउँपालिका-३ लिङलिङस्थित भोटेकोशी नदीमा परिचय खुल्न नसकेका पुरुष मंगलबार मृत फेला परेका छन्। तीनै घटनाका बारेमा प्रहरीले अनुसन्धान थालेको जनाएको छ।