गणेश लामालाई एक बर्ष कैद र डेढ करोड जरिवाना

काठमाडौं-विशेष अदालत काठमाडौंले डन भनेर चिनिएका गणेश लामालाई एक करोड ४० लाख स्रोत नखुलेको सम्पति जफत हुने फैसला गरेको छ।

विशेष अदालतका अध्यक्ष बाबुराम रेग्मी, सदस्यहरु द्वारिकामान जोशी र रत्नबहादुर बागचन्दको इजलासले काभ्रेका गणेश लामालाई एक करोड ४० लाख बराबरको अबैद्य सम्पति जफत र त्यति नै बराबरको जरिवाना गरेको हो। अदालतले उनलाई एक बर्ष कैदको फैसला समेत सुनाएको छ।

विशेष अदालतका रजिष्ट्रर भिमकुमार श्रेष्ठका अनुसार लामालाई सम्पति सुद्धिकरण विभागले ५ जेठ, २०७० मा उनको २७ करोड एक लाख रुपैयाँको सम्पतिको स्रोत नखुलेको भन्दै विशेष अदालतमा मुद्धा दायर गरेको थियो। 

गत फागुन दोश्रो साता लामालाई प्रहरीले हतियार सहित गौसालाबाट नियन्त्रणमा लिएको थियो। उनलाई हाल सदरखोर चारखालमा राखिएको छ।