काठमाडौंमा बिहानै वर्षा, आज कस्तो रहला देशभरको मौसम?

काठमाडौं- शुक्रबार बिहानैदेखि काठमाडौं उपत्यका लगायत विभिन्न भूभागमा हल्कादेखि मध्यम वर्षा भइरहेको छ। 

नेपालमा चलिरहेको स्थानीय वायु, भारतको उत्तर प्रदेश आसपासमा रहेको न्यून चापीय रेखा र पश्चिमी वायुको समेत प्रभावले नेपालमा वर्षा भइरहेको मौसन पूर्वानुमान महाशाखाले जनाएको छ।

अहिले प्रदेश १, मधेश प्रदेश र बागमती प्रदेश लगायत देशका पहाडी भूभागमा आंशिकदेखि सामान्य बदलीको अवस्था  रहेको महाशाखाको भनाइ छ ।

आज दिउँसो प्रदेश १, बागमती प्रदेश र गण्डकी प्रदेश लगायत अन्य प्रदेशका पहाडी भूभागमा आंशिकदेखि सामान्य बदली  रही देशका बाँकी भूभागमा आंशिक बदली रहनेछ। प्रदेश १, मधेश प्रदेश, बागमती प्रदेश, गण्डकी प्रदेशमा र अन्य प्रदेशका पहाडी भूभागका धेरै स्थानमा मेघ गर्जन/चट्याङ्गसहित हल्कादेखि मध्यम वर्षाको सम्भावना रहेको छ।

आज राति प्रदेश १, मधेश प्रदेश, बागमती प्रदेश र गण्डकी प्रदेशमा सामान्य बदली र देशका बाँकी भूभागमा आंशिक बदली देखि मौसम सामान्यतया सफा रहने महाशाखाले जनाएको छ। प्रदेश १, मधेश प्रदेश, बागमती प्रदेश र गण्डकी प्रदेशका धेरै स्थानहरूमा मेघ गर्जन/चट्याङ्ग हावा हुरीसहित हल्का देखि मध्यम वर्षाको सम्भावना रहेको महाशखाको भनाइ छ।

आगामी २४ घन्टामा प्रदेश १, मधेश  प्रदेश, बागमती  प्रदेश, गण्डकी  प्रदेशमा र अन्य प्रदेशका पहाडी केही स्थानमा मेघ गर्जन/चट्याङ्गसहित हल्कादेखि मध्यम वर्षाको सम्भावना रहेकाले सतर्कता अपनाउन महाशाखाले आग्रह गरेको छ।