प्रदेश १ मा भोलि सार्वजनिक विदा 

काठमाडौं- प्रदेश नम्बर १ अन्तर्गतका १४ जिल्लामा भोलि (बिहीबार) सार्वजनिक विदा दिने भएको छ। विश्व आदिवासी जनजनति दिवसको अवसरमा  प्रदेश १ सरकारले भोलि विदा दिने निर्णय गरेको हो । 

केन्द्र सरकारले दिदै आएको विदा कटौति गरे पछि प्रदेश सरकारको आन्तरिक मामिला तथा कानुन मन्त्रालयले सूचना प्रकाशित गर्दै सार्वजनिक बिदाबारे निर्णय गरेको हो। 

तर, प्रदेश नम्बर १ का जिल्ला प्रशासन कार्यालयहरुले प्रदेश सरकारले बिहीबारका लागि घोषणा गरेको सार्वजनिक विदा अवज्ञा गर्ने तयारी गरेका छन् । आफूहरु संघीय सरकार मातहतको निकाय भएको र गृह मन्त्रालयले निर्देशन नदिएसम्म कार्यालय बिदा नगर्ने उनीहरुले तयारी गरेका हुन् । 

प्रदेश नम्बर १ मा सोलुखुम्बु, संखुवासभा, ताप्लेजुङ, ओखलढुंगा, खोटाङ, भोजपुर, धनकुटा, तेह्रथुम, पाँचथर, इलाम, उदयपुर, सुनसरी, मोरङ र झापा जिल्ला पर्छन्।