डिककको सतकप्रेरित जितसँगै लखनौको आइपिएल प्लेअफमा

काठमाडौं- लखनौ सुपर जायन्ट पहिलो पटक इन्डियन प्रिमियर लिग (आईपीएल) को प्ले अफमा पुगेको छ। यो वर्षबाट आईपीएलमा समावेश भएको लखनौं तालिकाको दोस्रो स्थानमा रहँदै प्ले अफमा पुगेको हो।

प्ले अफमा स्थान बनाउने क्रममा लखनौंले कोलकत्ता नाइट राइडर्सलाई दुई रनले हराएको थियो। टस जितेर ब्याटिङ राजेको लखनौंले कुनै विकेट नगुमाई २१० रन बनाएको थियो। जवाफमा कोलकत्ताले २० ओभरमा आठ विकेट गुमाएर २०८ रन मात्र बनाउन सकेपछि लखनौंले जित निकालेको हो।

लखनौंको जितमा क्विन्टन डिकक नायक रहे। उनले ७० बलमा १० छक्का र १० चौकाको  सहयोगमा १४० रन बनाएका थिए। सँगै रहेका अर्का ओपनर के एल राहुलले ६८ रनको योगदान दिए। यी दुवैखेलाडी अविजित रहे।

कोलकत्ताका अन्द्रे रसेलले सबैन्दा खर्चिलो पारी खेले भने टिम साउथील पनि चार ओभरमा ५७ रन खर्चिएका थिए। जवाफमा कोलकत्ताले ९ रन बनाउँदै दुई विकेट खेर फालिसकेको थियो। तर त्यसपछि नितिर रानाले ४२ रन बाए भने कप्तान श्रेयस अयरले ५० रनको योगदान दिए। त्यस्तै, रिंकू सिंहले पनि ४० रनको योगदान दिए।

लखनौका मोसिन खान र मार्कस स्टोइनिसले समान ३–३ विकेट गिराए। यो जितसँगै आईपीएलको प्ले अफपुग्ने दोस्रो टिम भएको छ लखनौं। यसअघि गुजरात टाइटन्सले पनि प्लेअफमा स्थान बनाइसकेको छ। आईपीएलमा आज बैंगलोरले गुजरातको सामना गर्नेछ।