प्रदेश-३ का दुई मन्त्रीबीच चर्को विवाद

काठमाडौं- प्रदेश-३ सरकारका दुई मन्त्रीबीच चर्को विवाद देखिएको छ।  उनीहरूबीच बोलचाल बन्द हुन मात्र बाँकी छ। 

स्रोतका अनुसार भौतिक योजना तथा शहरी विकास मन्त्री केशव स्थापित र अर्थ मन्त्री कैलाश ढुंगेलबीच चर्को विवाद भएको हो। दुवै मन्त्रीले मुख्यमन्त्रीपछिको मर्यादाक्रम दाबी गरेपछि विवाद चर्केको हो। सोही कारण मन्त्रीहरूको वरियताक्रमसमेत तोकिएको छैन। मर्यादाक्रम नतोकी प्रदेश सरकार चलिरहेको छ। 

अर्थमन्त्री ढुंगेलले प्रदेशको बजेट आफ्नो क्षेत्रमा मात्र केन्द्रित गरेको बताउँदै अरू सांसदसमेत रुष्ट बनेका छन् । यस्तै, प्रदेश सरकारले पार्टीसँग समन्वय नगरेको बताउँदै मुख्यमन्त्रीको आलोचना शुरु भएको छ। सत्तारुढ नेपाल कम्युनिस्ट पार्टीकी प्रदेश संयोजक अष्टलक्ष्मी शाक्यलगायत नेतासँग कुनै समन्वय नगरेको बताउँदै मुख्यमन्त्री डोरमणी पौडेलको पनि आलोचना शुरु भएको छ।