टस हारेको नेपालले ब्याटिङ गर्दै

काठमाडौं- युगान्डाविरुद्धको पाँच खेलको सिरिजअन्तर्गत आज नेपाली राष्ट्रिय महिला क्रिकेट टिमले दोस्रो खेल खेल्दैछ।

दोस्रो खेलमा टस हारेको नेपालले पहिले ब्याटिङको अवसर पाएको छ। कीर्तिपुरको त्रिवी क्रिकेट मैदानमा नेपाली महिला टिम र युगान्डाको सिनियर महिला टिको खेला आज दिउँसो १ बजेबाट सुरु हुँदैछ।

पाँच खेलको दुईदेशीय सिरिज सोमबारबाट सुरु भएको हो। पहिलो खेलमा नेपालले १२ रनको हार बेहोरिसकेको छ। आज भने नेपाल जितको लक्ष्यका साथ मैदान पस्नेछ।

फेयरब्रेकका राम्रो प्रदर्शन गरेकी सिता राना मगरले आज पहिलो खेल खेल्दैछिन्। उनी दुबईमा अयोजना भएको फेयरब्रेक प्रतियोगिता खेलेर सोमबार मात्र नेपाल फर्किएकी हुन्।