काठमाडौं- नेपाली महिला क्रिकेट टिमले कीर्तिपुरको त्रिभुवन विश्वविद्यालयमा आजबाट युगान्डाको राष्ट्रिय महिला टिमसँग टी २० सिरिज खेल्दैछ।
नेपालली महिला टिमले घरेलु मैदानमा पहिलो पटक टी २० सिरिज खेल्न लागेको हो। नेपाल र युगान्डाबीचको खेल आज दिउँसो १ बजेबाट सुरु हुनेछ।
यो सिरिजबाट नेपाल क्रिकेट संघ क्यानले इन्दू बर्मालाई उपकप्तान बनाएको छ। यसअघिकी उपकप्तान सिता राना मगर फेयरब्रेक इन्भिटेसनल खेल्नका लागि दुबईमा छिन्।
आजको खेलमा नेपाल जितको लक्ष्यका साथ मैदान पस्नेछ। नेपालले यसअघि २०७६ मंसिरमा सम्पन्न भएको १३औं दक्षिण एसियाली खेलकुदमा नेपालल घरेलु मैदानमा खेलेको थियो।
नेपालले सागमा काश्य पदक जितेको थियो। यसबाहेक नेपाली महिला टिमले कुनै प्रतियोगिता घरेलु मैदानमा खेलेको छैन। प्रतियोगिताका लागि दुई दिनअघि युगान्डाको टिम नेपाल आइपुगेको छ।