आइपिएलमा हैदराबादलाई कोलकत्ताले हरायो

काठमाडौं- कोलकत्ता नाइट राइडर्सले इन्डियन प्रिमियर लिग (आईपीएल) अन्तर्गत शनिबार रातिको खेलमा सनराइजर्स हैदराबादलाई हराएको छ। पुने रंगशालाम सम्पन्न भएको खेलमा पहिले ब्याटिङ गरेको कोलकत्ताले हैदराबादलाई ५४ रनले हराएको हो।

टस जितेर ब्याटिङ रोजेको कलकत्ताले पुरा ओभर खेल्दै ६ विकेट गुमाएर १७७ रन बनाएको थियो। जवाफमा हैदराबदले २० ओभरमा आठ विकेट गुमाएर १२३ रन मात्र बनाउन सकेपछि कोलकत्ताले जित निकालेको हो।

गएरातिको खेलमा प्लेयर अफ दि म्याचसमेत बनेका कोकलत्ताका आन्द्रे रसेलले २८ बलमा अविजित ४९ रन बनाए भने दोस्रो पारीमा चार ओभर बलिङ गर्दै २२ रन खर्चिएर तीन विकेट गिराए।

रसेलबाहेक कोलकत्ताका साम बिसिङ्सले ३४ र अजिंक्य रहाणेले २८ रनको योगदान दिए।

पहिलो पारीमा हैदराबादका उमरन मलिकले पनि तीन विकेट गिराएका थिए। दोस्रो पारीमा चाहिँ हैदराबादका अभिषेक शर्माले ४३ रनको योगदान दिए।

गएराति जित निकालेको कोलकत्ताले लिगमा १२ अंक जोडेको छ। १२ अंकका साथ ऊ तालिकाको छैटौं स्थानमा छ भने हैदराबाद १० अंकका साथ आठौं स्थानमा छ। आईपीएलको शीर्षस्थानमा रहेको गुजरातले भने प्ले अफमा स्थान बनाइसकेको छ।