काठमाडौं- शनिबार राति प्रतिद्वन्दी चेल्सीलाई हराउँदै लिभरपुलले एफए कपको उपाधि जितेको छ। फाइनल खेलमा गोलरहित बराबरी भएपछि पेनाल्टीमा जित निकाल्दै लिभरपुलले उपाधि जितेको हो।
खेलको निर्धारित ९० मिनेटसम्म कुनै गोल हुन नसकेपछि ३० मिनेटको अतिरिक्त समय थप गरिएको थियो। अतरिक्त समयमा पनि गोल हुन सकेन। यसकारण रेफ्रीले पेनाल्टी सुटआउटबाट खेलको निर्णय गरेका थिए।
पेनाल्टी सुटआउटमा लिभरपुलका साडियो मानेबाहेक सबैले गोल गरे। लिभरपुलबाट गोल गर्नेमा जेम्स मिल्नर, थियागो अलकान्तारा, रोबर्टो फर्किनो, ट्रेन्ट अलेक्जेन्डर अर्नोल्ड, डियागो जोटा र कोन्स्टान्टिनोस सिमिकास रहे।
यता चेल्सीका चाहिँ दुई खेलाडीले पेनाल्टीमा गोल गर्न सकेनन्। सेसर एप्लिक्वेटा र मेसन माउन्ट गोल गर्न चुके। उनीहरुबाहेक मार्कोस अलन्सो, रिस जेम्स, रोस बार्कली, जोर्गिन्हो र हाकिमी जियाचले गोल गरेका थिए।
यससँगै लिभरपुलले ६–५ को जितसँगै उपाधि जितेको हो। लिभरपपुलले यसअघि इएफएल कपको पनि उपाधि जितेको छ। यता प्रिमियर लिगका उपाधि जित्ने उसको सम्भावना भने कम छ।
तर लिभरपुलले यो सिजनको च्याम्पियन्स लिगको फाइनलमा स्थान बनाएको छ। उसले फाइनलमा स्पेनिस क्लब रियल मड्रिडको सामना गर्नेछ। यो सिजन लिभरपुलले सबै प्रतियोगिताको सबै खेल खेलेको छ।