तनहुँ- १५ वर्षीया किशोरीलाई जबरजस्ती करणी गरेको अभियोगमा तनहुँ प्रहरीले एक जनालाई पक्राउ गरेको छ।
शुक्लागण्डकी नगरपालिका-६ बस्ने १९ वर्षीय रोशन मगरलाई बिहीबार दिउँसो प्रहरीले पक्राउ गरेको जनाएको छ।
सोही नगरपालिका-४ दुलेगौडास्थित होटेल एण्ड लजमा मगरले ती किशोरीलाई बुधबार राति जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय वेलचौताराबाट खटिएको प्रहरीले उनलाई पक्राउ गरेको हो। यस सम्बन्धमा प्रहरीले थप अनुसन्धान गरिरहेको जनाएको छ।