सवारी दुर्घटनामा २४ जना घाइते

काठमाडौं- दाङ र डोटीमा भएको सवारी दुर्घटनामा २४ जनाले ज्यान गुमाएका छन्।

तुलसीपुर उपमहानगरपालिका-४ राना गाउँमा ना.अ प फा ९४१  नम्बरको एम्बुलेन्स र बा.८ च ६९२५ नम्बरको बलेरो एकआपसमा ठोक्किदा बिहीबार दिउँसो १० जना घाइते भएका हुन्। प्रहरीका अनुसार दुर्घटनामा बलेरोमा सवार तीन र एम्बुलेन्समा सवार सात गरी १० जना घाइते भएका छन्। 

बलेरोमा सवार सोही उपमहानगरपलिका-८ बस्ने ५७ वर्षीय टेक बहादुर बस्नेत र एम्बुलेन्स चालक रुकुम पश्चिम बाफीकोट गाउँपालिका-२ बस्ने ३२ वर्षीय कलीभान खत्रीसमेत १० जनाको राप्ती प्रादेशिक अस्पताल दाङमा उपचार भइरहेको छ। घाइतेमध्ये पाँच जनाको अवस्था मध्यम र अन्यको सामान्य रहेको छ। 

यस्तै डोटीको शिखर नगरपालिका-४ धुरकोटस्थित सडकमा ना.१ज ३१५२ नम्बरको जिप बिहीबार दुर्घटनामा परेको छ। जिप सडकबाट करिब १ सय ५० मिटर तल खसेरकोमा जिप चालकसमेत १४ जना घाइते भएका छन्। 

घाइतेहरूलाई उपचारको लागि शैलेश्वरी अस्पताल दिपायलमा उपचार भइरहेको छ। घाइतेमध्ये एक जनाको अवस्था गम्भीर र अन्यको सामान्य रहेको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको छ।