गोदावरी खोलाले यसरी बगायो कार

काठमाडौं–आइतबार रातिदेखि परेको अविरल वर्षाका कारण काठमाडौं उपत्यकाका विभिन्न खोलाहरुमा पानीको बहाब बढेको छ । पानीको बहाब बढेपछि खोला किनारमा रहेका सुकुम्बासी बस्तीमा डुवानको जोखिम बढेको छ । 

काठमाडौंको बागमती, विष्णुमती, भक्तपुर भएर बग्ने हनुमन्ते, ललितपुरको गोदावरी खोलामा पानीको सतह बढेको छ ।

पानी अझै पर्ने भएकालेले खोला किनारमा बसोबास गर्नेले उच्च सुरक्षा सतर्कता अपनाउन जल तथा मौसम विभागले आग्रह गरेको छ । 

यसैबीच रातभरको वर्षापछि महालक्ष्मी नगरपालिकाको लुबुस्थित गोदावरी खोलामा आएको बाढीले गोदावरी खोला तर्दै गरेको कार नै बगाएको छ । 

गोदावरी खोलाले बगाएको गाडीलार्इ प्रहरी र स्थानीयको सक्रियतामा उद्धार गरिएको प्रहरी प्रभाव लुभुका इन्चार्ज भिमबहादुर श्रेष्ठले जानकारी दिए । 

सामाजिक सञ्जालमा नदीमा बग्दै गरेको भिडियो हेर्न यहाँ क्लिक गर्नुहोस । 

गोदावरी खोलामा आएको बाढीले नदी नजिकै रहेका विद्यालय भवन जलमग्न भएका छन् । त्यस्तै लुभुको सानो गाउँ जाने बाटो अबरुद्ध भएको छ ।