सर्लाही- सर्लाही प्रहरीले १४ किलोग्राम गाँजासहित एक जनालाई पक्राउ गरेको छ। मलंगवा नगरपालिका-८ राजश्रीहल नजिक बस्ने १९ वर्षीय रुस्तम कुमार यादवलाई प्रहरीले गाँजासहित पक्राउ गरेको हो।
उनको साथबाट १३ किलो ९ सय ग्राम लागूऔषध गाँजा बरामद गरिएको प्रहरीले जनाएको छ।
प्रहरी चौकी गोरखकालीबाट खटिएको प्रहरीले बुधबार राति शंका लागि उनलाई जाँच गर्ने क्रममा उक्त गाँजासहित फेला पारी पक्राउ गरेको हो। घटनाका सम्बन्धमा प्रहरीले आवश्यक अनुसन्धान गरिरहेको छ।
प्रकाशित: May 12, 2022| 12:17 बिहीबार, वैशाख २९, २०७९
