ताप्लेजुङ- मिक्वाखोला गाउँपालिका-१ खोक्लिङमा एक युवक मृत भेटिएका छन्। स्थानीय बिमल कार्की दुम्जा भीरमा मृत भेटिएका हुन्।
उनको शव गए राति फेला परेको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक कुशाराम कार्कीले बताए। कार्कीका अनुसार बिमल रातीसम्म पनि घर नआएपछि परिवारसहित स्थानीयले खोज्न सुरु गरेको थिए।
हान्द्रुङबाट उकालो जाने बाटोमा जुत्ता र झोला साथै बाटोमुनि भीरमा उनलाई मृत भेटिएपछि आफन्तले प्रहरीलाई खबर गरेका थिए। घटनास्थलमा ईलाका प्रहरी कार्यलय दोभानका प्रहरी निरीक्षक सहितको टोली बिहानै पुगेको थियो।
जिल्ला प्रहरी कार्यलय ताप्लेजुङबाट पनि थप अनुसन्धानका लागि प्रहरी निरीक्षकको नेतृत्वमा टोली घटनास्थल पुगेको प्रहरीले जनाएको छ।
प्रकाशित: May 12, 2022| 09:59 बिहीबार, वैशाख २९, २०७९
