मन्त्री आलेविरुद्ध ज्यान मार्ने धम्की दिएको उजुरी, आयोगले सोध्यो स्पष्टीकरण

निर्वाचन आयोगले संस्कृति पर्यटन तथा नागरिक उड्ययनमन्त्री प्रेम आलेलाई २४ घण्टे स्पष्टीकरण सोधेको छ।

नेपाल समय | बिहीबार, वैशाख २९, २०७९

नेपाल समय

बिहीबार, वैशाख २९, २०७९

मन्त्री आलेविरुद्ध ज्यान मार्ने धम्की दिएको उजुरी, आयोगले सोध्यो स्पष्टीकरण

prem aale

काठमाडौं- निर्वाचन आयोगले संस्कृति पर्यटन तथा नागरिक उड्ययनमन्त्री प्रेम आलेलाई २४ घण्टे स्पष्टीकरण सोधेको छ।

निर्वाचन आचारसंहिता उल्लंघन हुनेगरी मतदातासमक्ष मत माघेको, पार्टीको प्रचार गरेको भन्दै आयोगले उनलाई स्पष्टीकरण सोधेको हो।

वैशाख २६ गते डोटीको जोरायल गाउँपालिका पुगेर मन्त्री आलेले तडकभडकपूर्ण तरिकाले मतदाता भड्काउन भ्रामक भाषण गरेको, भोजभतेर गरेको, पैसा बाँडेको, अध्यक्षका उमेदवारको चरित्रहत्या हुने भिडियो सार्वजनिकस्थलमा राखेको, गुण्डागर्दी गर्दै अराजक टिम परिचालन गरी ज्यान मार्ने धम्की दएको उजुरी परेको आयोगले जनाएको छ।

आयोगले निर्वाचन आचारसंहिता, २०७८ को विभिन्न दफाविरुद्ध हुने गरी के कसो भएको हो? कारबाही किन गर्नु नपर्ने हो? भन्ने प्रश्नसहित स्पष्टीकरण मागेको छ।

प्रकाशित: May 12, 2022| 06:35 बिहीबार, वैशाख २९, २०७९