काठमाडौं– नेपाली महिला क्रिकेट टिमले यही मे १६ देखि २१ सम्म युगान्डाविरुद्ध टी–२० अन्तर्राष्ट्रिय सिरिज खेल्ने भएको छ।
त्रिवि क्रिकेट मैदानमा हुने सिरिजको तालिका नेपाल क्रिकेट संघ क्यानले आज बुधबार सार्वजनिक गरेको हो। नेपालले मे १६, १७, १९, २० र २१ तारिखमा युगान्डविरुद्ध पाँच टी–२० खेल्नेछ।
उक्त प्रतियोगिताको लागि क्यानले महिला खेलाडीलाई बन्द प्रशिक्षणमा पनि बोलाएको छ। रुविना क्षेत्रीको कप्तानीमा क्यानले २२ खेलाडीलाई पहिलो चरणको बन्द प्रशिक्षणमा बोलाएको हो।
टिममा रुविनासँगै सीता राना मगर, इन्दू बर्मा, काजोल जोशी, करुणा भण्डारी, सरिता राना मगर, कविता कुँवर, अप्सरी बेगम, सरस्वती चौधरी, ममता चौधरी अस्मिना कर्मचार्य, सुमन खतिवडा रहेका छन्।
बन्द प्रशिक्षणमा बोलाइएका हन्य खेलाडीहरुमा संगीता राई, कविता जोशी, रोमा थापा, ज्योति पाण्डे, सबनम राई, विन्दू रावल, इश्वरी विष्ट, डोली भट्ट, हिरन्मयी रोय र रितु कनौजिया रहेका छन्।
नेपाली टिमकी कप्तान रुविना र उपकप्तान सिता राना मगर अहिले फेयरब्रेक इन्भिटेसनल प्रतियोगिताका लागि दुबईमा रहेका छन्। नेपाली महिला टिमले यसअघि दुबईमा आईसीसी महिला विश्वकप छनोट खेलेको थियो।