लखनउलाई हराउँदै गुजरात आईपीएलको शीर्ष स्थानमा

गुजरात टाइटन्सले बुधबार रातिको खेलमा लखनौ सुपर जायन्टलाई हराउँदै इन्डियन प्रिमियर लिग आईपीएलका शीर्षस्थानमा कायम छ।

नेपाल समय | बुधबार, वैशाख २८, २०७९

नेपाल समय

बुधबार, वैशाख २८, २०७९

लखनउलाई हराउँदै गुजरात आईपीएलको शीर्ष स्थानमा

काठमाडौं- गुजरात टाइटन्सले बुधबार रातिको खेलमा लखनौ सुपर जायन्टलाई हराउँदै इन्डियन प्रिमियर लिग आईपीएलका शीर्षस्थानमा कायम छ। यो वर्ष आईपीएलमा पहिलो पटक सहभागी बनेको गुजरातले १२ खेलमा नवौं जित निकाल्ने क्रममा लखनौलाई ६२ रनले हराएको हो।

टस जितेर पहिले ब्याटिङ गरेको गुजरातले पुरा ओभर खेल्दै चार विकेट गुमाएर १४४ रन बनाएको थियो। जवाफमा उसले लखनौलाई १३ ओभर पाँच बलमा सम्पूर्ण विकेट गुमाएर ८२ रनमै समेटेपछि लखानौले ठूलो हार बेहोरेको हो।

गुजरातका लागि सुभमन गिलले सबैभन्दा धेरै ६३ रन बनाए भने लखनौका अभेष खानले दुई विकेट लिए।

दोस्रो पारीमा दीपक होडाले सर्वाधिक २७ रन बनाउँदा सात खेलाडीले दोहोरो अंकमा रन बनाउनै सकेनन्। यता रसिद खानले सर्वाधिक चार विकेट गिराए।

प्रकाशित: May 11, 2022| 10:00 बुधबार, वैशाख २८, २०७९