सागकी स्वर्ण विजेता सञ्जु मृत फेला

काठमाडौं- नेपालमा सम्पन्न भएको १३औं दक्षिण एसियाली खेलकुद (साग) मा स्वर्ण पदक जितेकी नेपाली महिला खेलाडी सञ्जु चौधरी मृत फेला परेकी छन्।

भारोत्तोलनमा स्वर्ण विजेता खेलाडी  चौधरी मंगलबार बिहान ललितपुरको लुभुस्थित भारोत्तोलन प्रशिक्षक संजय महर्जनको घरमा मृत अवस्थामा भेटिएकी नेपाल भरजत्तोलन संघका महासचिव पार्थ सारथिसेन गुप्ताले नेपाल समयलाई जानकारी दिए।

उनले आत्महत्या गरेको आशंका गरिएको बताए। महासचिव गुप्ताले घटनाको विस्तृत विवरण आउन बाँकी रहेको बताएका छन्।

प्रशिक्षक महर्जनको घरमा भोज खान गएर त्यहिँ बसेकी सन्जु बिहान झुन्डिएको अवस्थामा फेला परेकी थिइन्। उनी अहिले काठमाडौंमा नै थिइन्।

१९औं एसियाली खेलकुदका लाग भरत्तोलनले बन्दर प्रशिक्षणा सञ्चालन गरिरहेको कारण उनी प्रशिक्षणमा सामेल हुन केही दिनअघि काठमाडौं आएकी थिइन्। उनले सागमा ५९ केजी तौलसमूहमा स्वर्ण जितेकी थिइन्।