काठमाडौं- जर्मन क्लब बोरुसिया डर्टमन्डका नर्वेजियन स्ट्राइकर अर्लिङ हालान्ड इंग्लिस क्लब म्यानचेस्टर सिटीमा अनुबन्ध हुने भएका छन्। इंग्लिस मिडियाका अनुसार २१ वर्षीय हालान्ड र सिटीबीच अनुबन्धको लागि सहमति भएको दाबी गरेका छन्।
मिडिया रिपोर्ट अनुसार हालान्डले सिटीसँग पाँच वर्षको सम्झौता गर्नेछन्। हालान्ड २०२० मा आरबी साल्जबर्गबाट डर्टमन्ड आएका थिए। डर्टमन्डसँग हालाण्डको सम्झौता यही समरमा सकिँदैछ। सिटीले हालान्डलाई यही साता सार्वजनिक गर्ने तयारी गरेको छ।